|
|
जोडणी – III:
|
|
राष्ट्रीय अणकार मोहीमेची बांदावळ
|
राष्ट्रीयअणकार मोहीम (NTM) ही एक लवचीक रचणूक आशिल्ली एक ल्हान संस्था आसतली, पूण
लक्ष्यीत वाठारांतल्या विशिश्ट प्रकल्पांक निधी दिवपा इतलें व्हडलें बजेट आसतलें. तातूंत
एक महासंचालक आसूं येता, जाका सुमार 15 ते 20 पूर्णवेळ शिक्षणीक कर्मचारी आनी तितलेच
सहाय्यक कर्मचारी आसूं येतात (जशे की खातें/ऑडिट, ग्रंथालय आनी म्हायती सेवा, वेब डिझायन
आनी प्रिंट स्पेशालिस्ट, संपादन सहाय्यक, इव्हेंट ऑर्गनायझेशन सहाय्यक, तंत्रज्ञ/दस्तावेजीकरण
कर्मचारी, आदी). एनटीएमच्या कार्यावळींक मार्गदर्शन दिवपा खातीर एक सल्लागार मंडळ आसतलें.
निर्णय घेवपी मंडळांत अनुवादक, शिक्षणतज्ञ, प्रकाशक आनी हेरांचें प्रतिनिधित्व करपी
10 वांगडी आसूं येतात, जातूंत दोन ते तीन वर्सांचो कार्यकाळ आसता जंय दर वर्सा दोन
वांगडी बदलतात.
एनटीएम अणकाराच्या मळार म्हायती, वेव्हारीक उपयोजन, प्रशिक्षण आनी सर्जनशीलता हांचेर
लक्ष केंद्रीत करतलो. तें केंद्रीकृत पद्दतीन चलचें ना पूण राज्य आनी थळाव्या सयत विवीध
पांवड्यार वांटो घेवचो पडटलो आनी साबार संस्थां कडेन समन्वय सादचो पडटलो.
ते वेगवेगळ्या संस्थां कडेन समन्वय आनी सहकार्य करतले जाका लागून दुटप्पीपणा टाळटलो,
ताळमेळ वाडटलो आनी अणकार कार्यांचो एकवटीत पूण लवचीक विकास शक्य जातलो. हातूंत नॅशनल
बुक ट्रस्ट, यूजीसी, साहित्य अकादमी, अणकार केंद्रां, केंद्रीय भारतीय भाशा संस्था,
अणकार अध्यापन आनी संशोधन कार्यावळी दिवपी विद्यापिठाचे विभाग, ग्रंथ अकादमी, हेर राज्य
पांवड्यावेल्यो संस्था, भौशीक ग्रंथालय नॅटवर्क ह्या सारकिल्यो भौशीक संस्थांचो आस्पाव
आसतलो. तातूंत प्रकाशक, खबरांपत्रां आनी हेर मिडिया, कॉर्पोरेट संस्था, पुस्तक विक्रेत्यांचोय
आस्पाव आसतलो. तेभायर एनटीएमान शिक्षक, विद्यार्थी, पालक, प्रौढ शिकपी आनी हेर नागरिकांच्यो
गरजो हाताळच्यो पडटल्यो. अस्तित्वांत आशिल्ल्या भौशीक संस्था आनी खाजगी संस्थां कडेन
सहकार्य वाडोवप आनी धोरणात्मक कृतींत वांटो घेवप हो हेत आसा.
वेव्हारीक कारणांक लागून, संविधानाच्या 8व्या अनुसुचींत दिल्ल्या 22 मुखेल भाशांचो
आस्पाव करपाची जापसालदारकी एनटीएमान घेवप चड श्रेयस्कर थारूं येता, पूण हेर प्रादेशीक
भाशांनी तयार जाल्लो वावर तिगोवन दवरप आनी वांटून घेवप हें विसरूंक फावना.
11 व्या येवजणेंत हे उपक्रम चालीक लावपी राष्ट्रीय अणकार मोहीम स्थापन करपाची येवजण
आसा, जातूंत पुराय येवजणेच्या काळाखातीर 250 कोटी रुपया प्रस्तावीत आसा (संघटनात्मक
खर्च, कर्मचारी आनी शिश्यवृत्ती खातीर सुमार 80 कोटी रुपया आनी हेर सगळ्या कार्यावळीं
खातीर सुमार 170 कोटी रुपया आसतले, जातूंत हेर सहयोगी संस्थांक वा पक्षां खातीर निधी
आसतलो). 11 व्या येवजणेच्या काळांत मेळिल्ल्या अणभवाच्या आदाराचेर फुडारांत ह्या आदाराची
पातळी वाडोवंक शकता. एनटीएमाक गरजेच्यो मुळाव्यो सुविधा तयार करपाक वा विकसीत करपाक
कांय अतिरिक्त एकवेळच्या आदाराची गरज पडूं येता.
तशेंच एनटीएम तयार करपाची आनी विकसीत करपाचें काम मनीसबळ उदरगत मंत्रालयाक दिवचें काय
ना (खास करून एनबीटीची देखरेख करपी ताचो भाशा ब्युरो), कारण विद्यापिठां, आयआयटी, एनबीटी
आनी सीआयआयएल सयत जायत्यो भाशा संस्था ताचे खाला येतात, वा संस्कृती मंत्रालयाक (जी
साहित्य अकादेमीची देखरेख करता) दिवचें काय ना हेंवूय थारावचें पडटलें.
हो प्रस्ताव सरकारा मुखार मांडचे पयलीं अदीक तपशील आनी सुदारणेची गरज आसा काय ना हाचें
मुल्यांकन करप फायद्याचें थारूं येता. संबंदीत मंत्रालयांचो (एचआरडी, संस्कृती, आयटी)
सल्लो घेवपा वांगडाच एक पर्याय म्हळ्यार 10 वांगड्यांची समिती स्थापन करप जी विचारवंत
समूह म्हूण काम करूंक शकतली.
|
|
1.
|
प्रा. बिपन चंद्रा, अध्यक्ष, नॅशनल बूक ट्रस्ट (NBT)
|
|
2.
|
प्रा. के. सच्चिदानंदन (सचीव, साहित्य अकादमी) वा डॉ. निर्मल कांती भट्टाचार्जी (इण्डियन लिटरेचर हाचे संपादक आनी साहित्य अकादमीचे वांगडी)
|
|
3.
|
प्रा. प्रमोद तालगेरी (आदले कुलगुरू, CIEFL, आतां JNU) वा प्रा. आलोक भल्ला (CIEFL, हैद्राबाद)
|
|
4.
|
प्रा. इंद्रनाथ चौधरी (हिंदीचे आदले प्राध्यापक, दिल्ली विश्वविद्यालय, नेहरू केंद्राचे संचालक आनी साहित्य अकादमीचे सचीव)
|
|
5.
|
प्रा. यू. आर. अनंतमूर्ती (साहित्य अकादमीचे आदले अध्यक्ष आनी महात्मा गांधी विद्यापिठाचे कुलगुरू) वा गिरीश कर्नाड (नेहरू केंद्राचे आदले संचालक)
|
|
6.
|
प्रा. अमिया देव वा प्रा. नवनिता देव सेन (दोगूय तुलनात्मक साहित्याचे आदले प्राध्यापक, जादवपूर विश्वविद्यालय)
|
|
7.
|
प्रा. एस. बी. वर्मा (जपानी भाशेचो आदले प्राध्यापक, JNU आनी नामनेचे अनुवादक)
|
|
8.
|
प्रा. हरीष त्रिवेदी, इंग्लीश विभाग, दिल्ली विश्वविद्यालय
|
|
9.
|
प्रा. पुष्पक भट्टाचार्य (आयआयटी-मुंबय)
|
|
10.
|
प्रा. उदय नारायण सिंग (संचालक, केंद्रीय भाशा संस्थान, म्हैसूर) - संयोजक
|
|
|
|
|
|