|
|
उफरा-1 :
|
राव सोलायनाय दामिन जौगाहोनाय
|
|
(जयती घषनि लिरसुंथाय)
|
भारतारि रावनि गुबुन गुबुनथि आरो रोहो रोहो आखुथायखौ संरैखा एबा गोख्रों खालामनो आरो हानायमानि बिमा रावनि बिजोङाव गुबुन गुबुन रोखामनि मुवाफोर रावारि हारिफोरनो मोनहोनायखौ थि खालामनो थाखाय भारताव मोनसे राफोद, गोख्रों आरो जौगा माननि राव सोलायनाय दामिननि जोबोद गोनांथार। बेखौ मखनो हायोदि गियाननि सायाव बांसिन बेसेन होबोनाय गासै हादरफोरा आब्रुथियै राव सोलायनाय सिबिथायफोरनि जौगाथायाव मदद होबोदों आरो हानायमानि गुबुन गुबुन रोखोमनि मुवा गुबुन गुबुन रावाव मोनहोनो नाजाबोदों। चीन हादर बादि गोबां जौगाफु हादरा बे आयदायाव साग्रां मानोना चीन हादराव मोनसे मैखोम महरनि जौगा मान गोनां राव सोलायनाय जगायनो थाखाय मोनसे मावफुङारि रावसोलायनाय दामिन दं। उदै जौगा हादरनि बेलायावबो बे सैथो जेराव मेनसे मैखोम बिबांनि सुबुङा गुबुन हादरारि रावाव (इउरप हादरमानि नेडारलेण्ड आरो फिनलेण्ड) मोजाङै बुनो हायो आरो फरायनो हायो, जेराव गुवार एबा गोसारनाय राव सोलायनाय थानायनि थाखाय ओनसोलारि रावफोरा गोख्रों जानानै दं ।
राव सोलायनो गोनां : |
|
|
»
|
इंराजीनिफ्राय भारतारि रावाव
|
|
|
»
|
भारतारि रावानिफ्राय इंराजीयाव
|
|
|
»
|
भारतारि रावफोरनि गेजेराव
|
| गाहायाव होनाय मुवफोरखौ राव सोलायनो गोनां |
|
|
»
|
फरायसालि थाखोनि फरायबिजाबफोर
|
|
|
»
|
गोजौ थाखोनि फराबिजाबफोर
|
|
|
»
|
गुबुन गुबुन सोलोंथायारि मुवाफोर
|
|
|
»
|
बिगियान , समाजबिगियान , सुबुंसोमोन्दोनि बिगियान , आरिमु बादिनि जरखा बिजाबफोर
|
|
|
»
|
मददारि बिजाब (इनचाक्लपेडिया , बायदि बायदि )
|
|
|
»
|
थुनलाइ
|
|
|
»
|
आथिखालाव अनसायजानाय नन पिकचन बिजाबफोर
|
|
|
»
|
बिथोनारि आखाइनि बिजाब
|
|
|
»
|
लाइसि , जार्नेलफोर
|
|
|
»
|
वेबाव जथायनाय बिजाबफोर
|
दा समाव गुबुन गुबुन फसंथाननिफ्राय सुबुङारि आरो गावारि मोननैबो खोन्दोनि माखासे एजेन्चि फोरा गुबुन हाबा हुखाजों लोगोसे बे हाबायाव नांथाबनानै दं। बे बादिनो नेसनेल बुक ट्राष्ट गुबुन गुबुन मुंदांखा एबा बान्था मोनगिरि लिरगिरिनि माखासे गुबै थुनलाइयारि हाबाफोरनि रावसोलायनाय (इंराजीनिफ्राय भारतारि रावाव आरो बेनि उलथायै ) जगायबोदों। माखासे गावारि खोन्दोनि फसंथाना (बिदिन्थि महरै कथा पाब्लिसारस , प्रजाशक्ति रादाब बिलाइ हानजा बायदि बायदि) मुंदांखा थुनलाइ एबा आथिखालनि माखासे बिजाब रावसोलायनाय होबोदों। मखबोनाय गासै बिथिं आरो गासै गाहाय रावावनो नायफामग्रा , दिथाहोग्रा आरो जौगाहोग्रा आब्रुथियै सरजाबना लानो हानाय बादि सुबुङारि खोन्दोनि फसंथान गैया।
आथिखाल थासारियाव रावसोलायनायनि बेलायाव जेंनाफोरा जादों ओरैः |
|
1.
|
मखनाय गासै आयदायावनो रावसोलायनाय थानायाव मैखोम एबा गोब्राब फाराग दं।
|
|
2.
|
रावसोलायनाय मुवानि थाखो मान आरो गोरलैयै मोननायनि बेलायाव जरखा जेंना दं। बे जेंनाय जादों गोरोबथि गैयै आरो गाहाय मान थाखोनि। सोदोबारि राव सोलायनाय एबा गोब्राब सोदोब बाहायना राव सोलायनायनि गोसोन्थिखौ बांसिन नुनो मोनो , जाय राव सोलायनाय मुवानि फोसावथाय थाखो माननि बेलायावबो गोबां गोरोबलायै नुनो मोनहोयो।
|
|
3.
|
राव सोलायनायनि बेलायाव गोबां समनि फाराग नोजोराव गोग्लैयो। आथिखालानि माबा मोनसे थुनलाइयारि हाबानि राव सोलायनायखौ गोबां बोसोरनि उनावबो मोननाय नुनो मोना।
|
|
4.
|
राव सोलायनाय मुवानि बेलायाव नांगौबादि जौगाहोनाय आरो गोसारहोनाय नुनो मोना, जेरै सोरबा सुबुंनो थाखाय गोनांथार माबा जरखा थाखो माननि राव सोलायनाय मुवा थासेयावबो थानायनि सोमोन्दै बिसोर मिथिया।
|
|
5.
|
राव सोलायनाय फोसावनाय एबा सुजुनायनि बेलायाव नांगौबादि सोमोन्दो फोनांजाबनायनि आंखालानि थाखाय जोबोद फाराग थासेयावबो गोनांथि गैयाजासे फिन मावफिननाय नुनो मोनो।
|
|
6.
|
इंराजीनिफ्राय ओनसोलारि रावफोराव वेबाव जथायनाय राव सोलायनाय सिबिथायफोरा दासिमबो जोबोद गोरलै थासारियाव दं। C-DAC नि Vyakarta, MANTRA, NCST मुम्बाइनि MaTra IIt फोरनि ( जरखायै कानपुर) Anusaaraka, Anglabharati, बायदि गुदि थाखोनि MT मोननो हायो। बे आगजुफोरा दासिमबो मोजाङै मावफुंनो हाया आरो रोखोमसे बाथ्राखान्थि मानिनानै सोलिग्रा भारतारि रावफोररावसो रुजुथावै एसे जाफुंसार। अनलाइन सोदोब बिहुंवारि सम्पदनि सरासनस्रा आंखाल सोमोन्दो फोनांजाबनाय गैयिखौ नोजोर गौग्लैयो।
|
| जायखि -जाया, बेफोरनि एसे बिबांनि खाबु थानाया भारतनि रावसोलायनाय सिबिथाय गोसै जौगानायाव मदद होदों।:
|
|
1.
|
भारताव गोबां अनजिमानि नै रावारि सोलोंथाय गोनां सुबफोर दं जायखौ बे रोखोमनि हाबा हुखायाव लोबबा खालामनो हायो आरो बे सोलोंथाय गोनां हाबा थिसननायनि मोनसे फुंखा जानो हागौ।
|
|
2.
|
राव फोरोंथाय होग्रा गोबां फसंथान दं आरो रुजुथावै गोरलैयैनो बे फसंथानफोरखौ गोसार होनो होयो। मावफुं एबा फिथाय गोनां राव सोलायनायनि थाखाय गोनांथि आदबफोरखौ आरजिनाया बारा गोरा नङा आरो बेफोरखौ आथिखालाव थानाय फराफारियाव सोसननो हायो।
|
|
3.
|
जेब्ला राव सोलायनायनि हाथाया रुजुथावै एसेल जायो, बिजाबनि मोनथायनि आयदाफोरा जोबोद बाङाय जायो आरो बेनि ओंथिया जादों बिजाब बायदि बायदिनि बाङाय बेसेन सुजुथायखौ जोबोद गोरलैयै जगायनो हायो।
|
|
4.
|
खेबसे गुदि बिथा सोरजिनायनि उनाव बिबांखौ बांहोनाया मोजां आरो बे बाङाय बेसेननि दिहुनथाय आरो मैखोम गावारि खोन्दो बाहागो लाहोनायाव मदद होगोन।
|
| सानना नायनो गोनां आयदाफोरा जादों : |
|
|
»
|
राव सोलायनायजों लोबबा गोनां आथिखालाव थानाय सुबुङारि खोन्दोनि फसंथानफोरा मा मा आरो बेफोर बेसेबां मानफुंनो हादों एबा हानाय गोहो दं?
|
|
|
»
|
बे बादि हाबा हुखायाव सुबुङारि खोन्दोनि बाहागोलानायनि महरा माबादि जानाय मोजां? बेफोर आयदायाव सुबुङारि महरै होनो गोनां माबा जरखा इसिं दाथायनि गोनांथि दंना?
|
|
|
»
|
गुबुन गुबुन रोखमनि गोनां आथिखालनि मुवाफोर (जेरै आथिखालनि थुनलाइ , आथिखालनि अनसायजानाय थुनलायारि हाबा , गोनां जार्नेल) गुबुन गुबुन गाहाय रावाव राव सोलायनायखौ थि खालामनो माबाफोर राहा दंना? बेफोर आयदायाव सोर थांखि लागोन?
|
|
|
»
|
बे रोखोमनि थांखिफोरखौ मिरुवारि खालामनाय जादोंना एबा हादरसा सोरखारफोरनि गेजेरजों सोमोन्दो फोनांजाबनाय जादोंना?
|
|
|
»
|
गुबुन गुबुन रोखोमनि राव सोलायनाय सिबिथायखौ बिजाब मोनथायनि बिबान लानो, जौगाहोनो , नायबिजिरनो एबा दैदेननो हानाय बादि माबाफोर सुबुङारि खोन्दोनि एजेन्चि दंना?
|
|
|
»
|
बे आयदायाव आरो बांसिन गावारि हाबा हुखाखै माबोरै जौगाहोनो हायो? बे हाबा हुखायाव आसोल रां खाथायनो थाखाय फिसकेल एबा गुबुन थुलुंगायारि अनसुंथाय हानो हायोना? फोसावगिरि हानजाफोरजों बाहागो लाफाहोनाया मोजांना?
|
|
|
»
|
जौगा मान गोनां राव सोलायनाय माबोरै थि नोजोर आरो दिथा होनाय खालामनो हायो? बे आयदायाव थानां थानायनि राहा महरै लाग्रा मावथि सोरजिनो आरो फोरोंथायनि राहा लानो जरखा सम्पद थिसननायनि गोनांथि दंना?
|
|
|
»
|
राव सोलायनाय मुवाफोरखौ गोख्रै गोसारहोनो आरो मोजाङै राननो थाखाय माबोरै थुलुंगा होनो हायो?
|
|
|
»
|
MT नि थाखाय जाथावनाफोरा मा रोखोमनि आरो दोरोङारि राव सोलायनाय राहाफोरनि गेजेराव जरखा सोमोन्दो दंना?
|
गोख्रै लानो गोनां राहाफोर
राव सोलायनाय दामिन जौगा होनायनि आयदायाव खुंफुंनाय हादरारि सावरायनायाव गाहायाव होनाय आयदाफोरनिफ्राय थान्दै लानाय जादोंमोन। |
|
|
»
|
मिरु आरो हादरसा सोरखारनि मावखगिरि ( सोरखारि राव बिफान , सोलोंथाय, हारिमु, बिगियान बिफाननिफ्राय )
|
|
|
»
|
फरायसलि, मुलुंसोलोंसालि आरो आरोंदायारि फसंथान।
|
|
|
»
|
दामिन (राव सोलायनायनि थाखाय गुबुन गुबुन थाखोनि मावथिनि गोनांथि )
|
|
|
»
|
मिडिया (फोसाव बिजों)
|
|
|
»
|
फोसावगिरि हानजा
|
|
|
»
|
राव फरायसालिफोर
|
|
जेसेबां थाब हायो आरजाथाव सुबुं आरो फसंथानखौ सिनायथिनायनि गोनांथि आरो राननायनि थाखाय बे आयदानि रोंगौसाफोरजों सावरायनायनि सायाव थांखि लिरथाय आरो ड्राफ्ट हाबाफारि जथायना दिहुननाया मोजां।
|
|
|