|
|
চেহাপ - ১ :
|
হন্দোকপগী থবক চাওখত্হনবা
|
|
(জ্যোতি ঘোসকী ৱারোল)
|
ভারতকী তোঙান-তোঙানবা লোনশিংবু কন্দুনা থম্বা অমসুং মদুগী লৈজরিবা মচাক-মরনবু ফগত্হন্নবা
অদুগা ঐখোয়গী তোঙান-তোঙানবা লোন ঙাঙলিবা মীওইশিংদা হীরম কয়াগী মচাকশিং মশা মশাগী
লোনশিংদা ঙম্লিবমখৈ ফংহন্নবা হোতনবগী মথৌ তাই হায়বা খঙলকপদগী, মায় পাক্না অথুবা মতমদা
মগুণ লৈনা লোন-হন্দোক্কদবা ইন্দাস্ট্রি অমা ভারততা লৈবগী তঙাই ফদে হায়বসি হেন্না মীয়াম্না
খঙনরে৷ মতাং অসিদা নীংশিংবা য়াবদি, ৱাখল-লৌশিং হেনগতন্নবা হোতনবদা অহেনবা শেনফম কাইথরিবা
লৈবাক খুদিংমক্না লোন-হন্দোকপগী থবকসিবু নীংথিনা চাওখত্হল্লি অমসুং মখল কয়াগী মচাকশিং
লোন কয়াদা য়ারিবমখৈ পুথোক্তুনা ফংহন্নবা হোতনৈ ৷ মসি চাইনাগুম্বা, থৱায় য়াওবা লোন-হন্দোকপা
ইন্দাস্ট্রি কয়া থমদুনা হীরম কয়াদা মতমগা চূননা হন্দোক্লবা মচাকশিং ফংহল্লিবা, য়াম্না
অচৌবা চাওখতলক্লিবা লৈবাকশিংদা তৌই ৷ অদুগা অমুকসু, মীরমগী মরু ওইবা লোনশিংদা লাইরিক-লাইশু
তম্বা অমসুং লোনশিংদুবু নিংথিনা খঙবা মীওইশিংগী মশীং য়াম্না লৈবা চাওখতলবা (য়ুরোপ
লমদমদা নিদরলেন্দ অমসুং ফিনলেন্দগুম্বা) লৈবাকশিংদা মশাগী লমগী লোনশিংবু মপাঙ্গল কন্না
থম্বা ঙমহল্লিবা হন্দোক্লবা মচাকশিং য়াম্না মরাং কায়না ফংহনবসিননি হায়বসি চুম্লবা
ৱাফমনি ৷
হন্দোকপগী তঙাই ফদবা লৈরিবসি -
|
|
|
»
|
ইংলিশ লোন্দগী ভারতকী লোনশিংদনি
|
|
|
»
|
ভারতকী লোনশিংদগী ইংলিশ লোন্দনি
|
|
|
»
|
ভারতকী লোনশিংগী মরক্তনি
|
|
মখাগী মচাকশিং অসি হন্দোকপগী মথৌ তারি
|
|
|
»
|
মহৈশঙগী থাক্তা লৈরিবা তম্ন-লাইরিকশিং
|
|
|
»
|
অৱাংবা থাক্কী লাইরিক-লাইশুগী তম্ন-লাইরিকশিং
|
|
|
»
|
অতোপ্পা লাইরিক-লাইশু তম্বিবগা মরী লৈনবা মচাকশিং
|
|
|
»
|
বিগ্যান, সমাজ-বিগ্যান, হ্যুমেনিতিগী ওইবা অখন্নবা লাইরিকশিং
|
|
|
»
|
মতেং ওইবা লাইরিকশিং(এন্সাইক্লোপেদিয়ানচিংবা)
|
|
|
»
|
সাহিত্য
|
|
|
»
|
হৌজিক মতমদা খ্বাইদগী পাম্নরবা হীরমশিংদা ইবা ৱাখলনা শাগতপা নত্তবা লাইরিকশিং
|
|
|
»
|
শিল্লম-শিন্তাকপা লাইরিকশিং
|
|
|
»
|
মেগাজিনশিং, চেফোঙশিং
|
|
|
»
|
ৱেবতা য়ূম্ফম ওইবা মচাকশিং
|
হৌজিক হৌজিক হায়রিবশিং অসিদা, তোঙান-তোঙানবা মফম কয়াদা অতোপ্পা থবক্কী শরুক অমা ওইনা
হোতনরিবা সরকার অমসুং লনায়গী এজেন্টসি খরা লৈ৷ অসুম্না, নেসনল বুক ত্রস্টনা, অয়াম্বনা
মমিং লৈরবা নত্রগা মনা ফংখ্রবা অইবশিংগী মরুওইবা সাহিত্যগী মচাকশিং খরা (ইংলিসতগী ভারতকী
মরুওইবা লোনশিংদা নত্রগা ভরতকী লোনশিংদগী ইংলিশ লোন্দা) হন্দোক্তুনা ফংহল্লি ৷ লনায়
সংস্থান খরনা (খুদম ওইনা কাঠা পব্লিসর, প্রাজাশক্তি পাওচেগী কাঙবু অসিনচিংবা) মমিং
লৈরবা সহিত্যগী লাইরিক অমসুং মতম মতমগী নুঙাইরবা লাইরিক খরা লোন হন্দোক্তুনা ফংহনখ্রে
৷ মথক্তা পনখ্রিবা হীরম খুদিংমকসিদা মচাতানা হোতনরিবা সরকারগী শিন্দমশঙ অমাফাওবা লৈত্রি
৷ অদুগা মরুওইবা লোন খুদিংমক্তা
হন্দোকপগী মতাংদা হৌজিক লৈরিবা খন্নগদবা ৱাফমশিং-
|
|
১.
|
মথক্তা পনখ্রবা হীরমশিং অসিগী হন্দোকলবা মচাকশিং ফংহনবগী মতাংদা য়াম্না চাওনা অৱাত্পা/অহোবা
লৈরি ৷
|
|
২.
|
হন্দোকলবা মচাকশিংগী মগুন অমসুং মদুবু ফংহনবগী মতাংদা মরুওইবা ৱাফম কয়া লৈরি ৷ মদুদি,
মসিগী মগুনসি খেতনগল্লি অদুগা অশেংবদুদগী মগুন তাগল্লি ৷ য়াম্না সাহিত্য য়াওনা নত্রগা
লোন হেনজিন্না লুনা/চম্মননা হন্দোক্কনবগী ৱাফমসু লৈ, মসিনা হন্দোকলবা মচাকশিং মীয়াম্না
পাম্বগী চাং হন্থহল্লি ৷ হন্দোকলবা মচাকশিংনা কাননবা পীবগী মগুন অসিসু য়াম্না খেতনৈ
৷
|
|
৩.
|
লোন-হন্দোকপদা মতম য়াম্না হেনজিন্না থেংথবা কয়াসু লৈ ৷ খ্বাইদগী অনৌবা নত্রগা হৌজিক
হৌজিক্কী থবকশিং চহী কয়া চুপ্পা হন্দোকলবা মওংদা মহৌশানা ফংহনবা ঙমদে ৷
|
|
৪.
|
হন্দোকলবা মচাকশিং মীয়ামদা য়ৌহনবদা মপুং ফাদে, মদুদি, অফবা মগুন লৈরবা হন্দোকলবা
মচাক লৈরবা ফাওবদা, মদুবু খঙদবনা, ফংনিঙলিবা মীওইশিংদুনা ফংবা ঙমদে ৷
|
|
৫.
|
লোন-হন্দোকলবা মচাকশিং পুথোকপগী থবক্তা খুত্শমননা পুন্না তৌমিন্নদবা, মসিনা অরুবা অহোবা
কয়া লৈরিঙৈ শরকসিদা কানন্দবদা লাইরিক হেন্না শিন্দোকহল্লি ৷
|
|
৬.
|
ইংলিশ লোন্দা/লোন্দগী ভারতকী লম লমগী লোনশিংদা/লোনশিংদগী ৱেবকী মওংদা হন্দোকপগী থবকসি
য়াম্না হৌগতলকপদমক ঙাইরি ৷ মেচিন্না লোন-হন্দোকপগী থবক হৌখ্রে- খুদম ওইনা, সি-দেক
: ভিয়াকারতা, মানত্রা (MANTRA), NCST মুম্বাই : মাত্রা (MaTra), IITs (মরু ওইনা কানপুর),
আনুসারাকা, অংলাভারাতি অসিনচিংবা ৷ মসিদা হৌজিকসু প্রোব্লেম কয়া লৈরি, অদুগা মাইপাকনা
অফবা ফোল ফংলিবা মতাংশিংদি মান্নবা মওংগী ৱাহৈ পরেং লৈবা ভারতকী লোনশিংদনি ৷ চাংচত্তা
ওনলাইনদা ৱাহৈগী মচাকশিং ফংহনবা অমসুং পুন্না খুত্শম্মনা থবক তৌমিন্নবা ৱাতলি ৷
|
|
অদুম ওইনমক, ভারততা লোন-হন্দোকপগী থবকপু হেন্না খোংজেল য়াঙহন্ননবা খুদোংচাবা কয়ামরুম
অমসু লৈরি-
|
|
১.
|
লোন অনিদা লাইরিক-লাইশু তমলকপা মীওই কয়া অমা লৈরি, মখোয়শিংবু হন্দোকপগী থবক্তা শরুক
য়াহনবদা য়াম্না কান্নগনি ৷ অসুম্না লাইরিক-লাইশু হৈরবা নহারোলশিংবু থবক পীবগী মরম
অমসু মসিনা ওইরকপা য়াগনি ৷
|
|
২.
|
লোনগী মরী লৈননা শিল্লম-শিনতাক পিরিবা শিন্দমশঙ কয়া অমসু হান্ননা লৈখ্রে ৷ অদুগা মদু
য়াম্না লায়না পাকথোক-চাওথোকহনবা য়াগনি ৷ য়াম্না অফবা মওংগী লোন-হন্দোকনবা অহেনবা
দরকার ওইবা মহৈ ফংহনবদা অরুবা ওইরোই, মদুগীদমক্তদি লৈরিবা কোর্সশিংদা হপচিল্লগসু য়াগনি
৷
|
|
৩.
|
হন্দোকপগী থবকসিনা অক্কনবা কৈথেল খরদা য়ৌবা মতমদা, কোপি রাইতকী ৱাফমশিংসি তশেংনমক
য়ামদে, মসিনা তাকপদি, অহোংবা মমলদা লাইরিকনচিংবসি য়াম্না লায়না ফংহনবা ঙমগনি হায়বসিনি
৷
|
|
৪.
|
ভোলুম চাওরবা য়াই ৷ মরুওইবা স্ত্রকচর অদুদং শেম্বা লোয়রগদি, মসিদগী চেপতর খঙদোক্তুনা
মীয়াম্না শরুক য়াবগী চাং হেনগতহনবা য়াগনি ৷
|
|
খন্নবা মথৌ তারিবা ৱাফমশিং-
|
|
|
»
|
লোন-হন্দোকলিবা পব্লিক ইন্সতিত্যুসনশিংদু কনা কনানো অদুগা কয়া য়াম্না কান্নরিবগে
?
|
|
|
»
|
অসিগুম্বা থবকসিদা মীয়ামগী করম্বা মতেং চঙবগে? মীয়ামদা মরুওইবা ইনফ্রাস্ত্রকচর খরা
ফংহনবগী তঙাইফদবা লৈব্রা?
|
|
|
»
|
মখল কয়াগী মরুওইবা অনৌবা মচাকশিং (খুদম ওইনা নৌনা ফোঙলকপা সাহিত্যগী মচাকশিং, হৌজিক
মতমগী পুক্নিং চঙলিবা থবকশিং, মরুওইবা চেফোঙশিং) মরুওইবা লোনশিংদা শোয়দনা হন্দোক্কনি
হায়বগী থাজবা পীনবগী পাম্বৈ লৈব্রা ? কনানা করম্বগীদা লেপক্নি ?
|
|
|
»
|
অসিগুম্বা ৱারেপসি মীয়ামগীরা নত্রগা স্তেত সরকারগা পুন্না খন্নগদ্রা ?
|
|
|
»
|
মখল-মখা কয়াগী লোন-হন্দোকপগী থবকশিংদা কোপীরাইত লৌবা, ফগতহন্নবা, শিল-লাংবা অমসুং
delegate তৌবগী মতাংদা খন্ননবগীদমক মীয়ামগী এজেন্টসি অমা থম্বগী ৱাফম লৈব্রা ?
|
|
|
»
|
মতৌ করম্না হীরম অসিদা লনাইগী ওইবা থবকশিং হেন্না ফগতহনগনি ? শেল-থুম নত্রগা অতোপ্পা
পুক্নিং থৌগতনবা মচাকশিং মসিগী থবকশিংসিদা ফংহনগদ্রা ? পব্লিসিং হাউজশিংগা পুন্না শরুক
য়ামিন্নগদ্রা ?
|
|
|
»
|
হন্দোকলবা মচাকশিংগী মগুন্দা মতৌ করম্না থাজবা পীগদগে, করম্না অশিল-অরাং তৌগনি, করম্না
য়েংশিনগনি ? য়াম্না মরুওইবা মচাকশিং হীরম অসিগী শিল্লম-শিনতাকপগী থৌরমশিংদা শিনফম
ওইনা নিংথিনা হোতন্নবা শেম্বা?
|
|
|
»
|
মতৌ করম্না হন্দোকলবা মচাক ফংহনবগী খোঙজেল হনগতহনবদা পুক্নিং থৌগত্কদগে ?
|
|
|
»
|
এম তিদা ওইথোকপা য়াবশিংদু করি করিনো অদুগা এম তি অমসুং মহৌশাগী চতনবী ওইনা লোন-হন্দোকপগী
লৈরিবা মওং অনিসিগী অপুনবা হেন্না ফবা ফোল ফংবা লৈব্রা ?
|
অথুবা মতমদা লৌখত্পা পাম্বা খোঙথাং-
হন্দোকপগী ইন্দস্ট্রি চাউখতহন্নবগী মতাংদা জাতিগী থাক্তা ৱা তান্ননবা মখাগী কাঙবুশিংসিদগী
মীহুতশিং -
|
|
|
»
|
কেন্দ্র অমসুং স্তেত সরকারগী লোয়শঙগী মীওইশিং (লোয়শঙগী ওইবা লোনশিংগী মশঙ, লাইরিক-লাইশু,
নাত, বিগ্যানগী মশঙশিং)
|
|
|
»
|
মহৈশঙ, তাইবং মহৈকোল, টেক্নিকেলগী শিন্দমশঙশিং
|
|
|
»
|
ইন্দস্টত্রি (লোন-হন্দোকপগী মতাং কয়াদা থবক তৌবা মীওইশিংগী মথৌ তাই)
|
|
|
»
|
ই-পাউগী কাংবু
|
|
|
»
|
লাইরিক ফোংদোকলিবা ইন্দস্টত্রি
|
|
|
»
|
লোনগী ওইবা মহৈশঙশিং
|
|
হীরম অসিদা অখং-অহৈশিংগা খরা খন্ন-নৈনদুনা মরী লৈনবা মীওইশিং অমসুং কাংবুশিং ঙমলিবা
মখৈ থুনা খংদোকপা অমসুং ৱাখল্লোন অসিগী চেরোন অমা শেম্বা অদুগা এজেন্দা অমা সরকুলেশন
তৌনবা শেম্বা চংই ৷
|
|
|