থৌরমশিং

নেশনেল ট্রান্সলেশন মিশননা হন্দোকপগী ডিসকোর্সশিংবু মঙম য়াঙখতহন্নবা‚ ভারতকী লোনশিংদা হান্ননা ফংলবা লৌশিং–জ্ঞান পীবা হন্দোক্লবা লাইরিকশিংগী মগূন লেপ্ননবা‚ নৌনা খূত থারক্লিবা মীওইশিংদা হন্দোকপগী মরমদা তাকপী–তম্বীবা (ট্রেনিং পীননবা) অমসুং পাউ শন্দোকখিনবগী পান্দমদা ৱর্কশোপশিং, সেমিনারশিং অমসুং ওরিএন্টেশন প্রোগ্রামশিং পাঙথোকই৷ লাইরিক–লাইশু হৈরবশিং, হন্দোক্লোয়শিং, অখঙ–অহৈশিং অমসুং ফোঙদোক্লোয়শিংবু এন.তি.এম.গী থৌরমশিংদা খন্ন–নৈনবা অমসুং ৱা তাথোক–তাশিন তৌনবগীদম লেঙশিনবীরক্নবসু কৌরি৷
 

Upcoming Events

» Translation and Knowledge Society, a three-day three-in-one event from 07 to 09 March 2018.



ৱর্কশোপশিং

এন.তি.এম.না ইডিটোরিয়ল সপ্পোর্ত গ্রূপশিংগী থৌদাংশিংবু থবক্তা ওন্থোক্ননবা অমসুং লোন ২২দা ডিসিপ্লিন খূদিংগী অখন্নবা লাইরিকশিংগী ওইবা গ্লোসরী শেম্ননবা ৱর্কশোপশিং পাঙথোকই; লাইরিক অমা হন্দোকপা লোইরবা তুংদা লোন খুদিংমক্কী ওইনা ইডিটোরিয়ল সপ্পোর্ত গ্রূপতা য়াওবা অখঙ–অহৈশিং নতত্রগা ইডিটোরিয়ল সপ্পোর্ত গ্রূপনা মিং পীখতলকপা অখঙ–অহৈশিংনা মেনুষ্ক্রিপশিং অদুবু রিভ্যূ তৌবদা মতেং পাংননবা অমসুং হন্দোক্লোয়শিংবু লমজীংবিনবা ৱর্কশোপ অমদা উনবা য়াই৷
 

সেমিনারশিং

নেশনেল ট্রান্সলেশন মিশননা হন্দোকপগী থবক্কা মরী লৈননা অমগা অমগা ৱাখল্লোনশিং ফোঙদোক্নববু পূক্নীং থৌগতপা ওইনা সেমিনারশিং পাঙথোকই৷ হায়রিবা সেমিনারশিং অসিদা পাথোক্নখিবা পেপরশিংবু রিভ্যূ তৌরগা রেকোর্দ ওইনা চনশিন্দুনা থম্মী৷ মতম মতমগী ওইনা মখোয় অসি চহীদা অনীরক পুথোকপা এন.তি.এম.গী জর্নেল, ট্রান্সলেশন টূদেদা ফোঙই৷ হায়রিবা সেমিনারশিং অসিনা ট্রান্সলেশন ষ্টদিজ অমসুং মান্নবা ডিসিপ্লিনশিংগী থৱায় য়াওবা মীওইশিং (মরুওইনা মহৈরোয়শিং অমসুং থিজিন–হূমজিল্লোয়শিং)দা মতেং ওইগদবা হন্দোকপদা য়ূম্ফম ওইবা খন্ন–নৈনবশিংগী আর্কাইব অমা শেগতপদা এন.তি.এম.বু মতেং পীগনি৷
 

ওরিএন্টেশন প্রোগ্রামশিং

নেশনেল ট্রান্সলেশন মিশননা হন্দোকপগী মরমদা, হন্দোকপগা মরী লৈনবা থিওরিশিংগী মরমদা, লৌশিং–জ্ঞান পীবা লাইরিকশিংবু হন্দোকপদা থেংনগদবা খুদোংচাদবা কয়াগী মরমদা তাকপী–তম্বীনবা, হন্দোকপদা চঙগদবা খূতলাইশিংগী মরমদা খঙহন্নবা অমসুং তুংদা মতীক চাবা হন্দোক্লোয়শিং ওইহন্নবগী পান্দমদা তোঙান তোঙানবা লোনশিংগী ওইনা ওরিএন্টেশন প্রোগ্রামশিং পাঙথোকই৷ মসিদা শরূক য়ারিবা মীওইশিংদু তোঙান তোঙানবা কলেজ অমসুং য়ুনিভর্সিতিদগী লাকপা মহৈরোয়শিং অমসুং থিজিন–হূমজিল্লোয়শিংনি৷ মখোয়দু তোঙান তোঙানবা লোন ঙাঙবা অমসুং তোঙান তোঙানবা ডিসিপ্লিনশিংদগী লাকপা ঙাক্তনি৷ কলেজ অমসুং স্কূলগী ওজাশিং, লন্নাইগী ওইনা হন্দোকপগী থবক পায়জরিবা হন্দোক্লোয়শিং অমসুং তোঙান তোঙানবা শিনফম পায়রিবা মীওইশিংসু হায়রিবা প্রোগ্রামশিং অসিদা শরূক য়াবা য়াগনি৷ মসিদা শরূক য়াহনগদবা মীওইশিং অসি নেশনেল রেজিষ্টর ওফ ট্রান্সলেটর্সতগীসু খনগতপা য়াই৷

হায়রিবা প্রোগ্রাম অসি য়াওননবা বার্ত্তোন তৌরিবা অখঙ–অহৈশিং অসি ট্রান্সলেশন ষ্টদিজ অমসুং মান্নবা দিসিপ্লিনশিংদগী ওইগদবনি অমসুং/নতত্রগা ভারতকী লোনশিংদা চাং নাইনা লৌশিং–জ্ঞান পীবা লাইরিকশিং ইরিবা ভারতকী অইবশিং ওইগদবনি৷ লৌশিং–জ্ঞানগী লাইরিকশিংবু হন্দোরক্লিবা অখঙ–অহৈশিং অমসুং ভারতকী তোঙান তোঙানবা লোনশিংদা টেক্নিকেল টর্মিনোলোজী শেম্বদা শরূক য়ারিবা অখঙ–অহৈশিংসু এন.তি.এম.গী রিসোর্ছ পর্সন ওইবা য়াগনি৷
 

প্রোগ্রাম অতৈশিং

এন.তি.এম.না মাগী থৌবক–থৌরমশিংবু মীয়ামদা পাকশন্না খঙহন্নবা লৈবাক শীনবা থুংনা তৌবা বূক ফেয়রশিংদা শরূক য়াই৷ হন্দোক্লবা লাইরিকশিং অসি হেক ফোঙবগা এন.তি.এম.না অইবশিংগী মীফম, হন্দোক্লোয়শিংগী মীফমনচিংবা য়াওনা মীয়ামদা খঙহনবা হেন্ননবা প্রমোশনেল ইভেন্টশিংসু পাঙথোক্কনি৷