تقریبہٕ

این ٹی ایم چھُ ؤرک شاپن،سیٚمنارن تہٕ اورین ٹیشن کورسن ہُند انعقاد کران یتھ زن ترجمہ کٲری پیٹھ عٲلمانہٕ بحث سپدِ تہٕ سٍتی سپدِہندوستٲنۍ زبانن ہٕندس ترجمہ عٔلِمس تہِ مۅلٲنکون ۔سٍتی میلہ نوآموز ترجمہ کارن تربیت تہٕ ترجمن ہٕنز یہ زانکٲری تہِ واتہِ لوٗکن تام۔این ٹی ایم کین مُباحثن تہٕ یژھن تقریبن منز چھِ ترجمہ کار،سُکالر،مٲہِر تہٕ نٲشر مدوٗع کرنہ یوان یتھ تِم باہم تبودلہ خیال کرن۔
 

Upcoming Events

» Translation and Knowledge Society, a three-day three-in-one event from 07 to 09 March 2018.



ورک شاپ

این ٹی ایم چھُ ادارتی سپہورٹ گرُپ سرگرمیہِ سرانجام دِنہٕ باپتھ تہٕ تمام 22ہن زبانن منزپرتھ مضموٗنہٕ خٲطرٕ مخصوٗص لفظٕ راش تیارکرنہٕ باپتھ ؤرک شاپن ہُںد انعقاد کران۔کُنہِ تہِ کتابہِ ہُند ترجمہ مکمل گژھنہٕ پتہٕ چھُ پرتھ زبٲنۍ ہُند ادٲرتی سپورٹ گرُپ یا امہِ گرپہٕ دٔسۍ نامزد کرنہٕ آمٕتۍ مٲہِر ترجمہ مُسودن مۅلٲنکون کرنہٕ باپتھ تہٕ ترجمہ کارن رہنُمٲیی کرنہٕ باپتھ أکِس ؤرک شاپس منز سمان۔
 

سیٚمنار

این ٹی ایم چھُ ترجمس مُتلق عٲلمانہٕ بحثس حوصلہ افزٲیی کرنہٕ پُژِ سیٚمنارن ہُند انعقاد کران۔ یِمن سیٚمنارن منز چھِ عٲلمانہٕ مقالہٕ پیش کرنہ یِوان۔یِم مۅلٲنکون کرنہٕ پتہٕ رٔژھراونہ یِوان چھِ۔ یِم چھِ مٔنزۍ مٔنزۍ این ٹی ایم کِس ٹرانسلیشن ٹوُ ڈے کِس رسالس منز تہِ شایع کرنہ یِوان۔یِمو سیٚمنارو دٔسۍ چھُ این ٹی ایمس ترجمس مُتلق علمی ڈاٹا بیسُک سرمایہِ سوٚمبراونس منز مدتھ میلان یُس پتہٕ لوٗکن ،خاص پٲٹھۍ طٲلبہ عٔلمن تہٕ رِسرچ سُکالرن ہٕندِ باپتھ سوٗد مند بنان چھُ۔
 

اورین ٹیشن پروگرام

این ٹی ایم چھُ مختلف زبانن منز اورین ٹیشن پروگرام کٔرِتھ شرکاہن علمی کتابن ہٕندس ترجمس، ترجمہ نظرِین تہٕ ترجمہ مسلن متلق زٲنۍ یاب کران۔یتھ تِم کامیاب ترجمہ کار بٔنِتھ ہیکن۔یِمن پروگرامن منز چھُ شرکاہن ترجمہ ؤسیلو نِش تہِ زٲنۍ یاب کرنہٕ یِوان۔ یِمن پروگرامن منز چھِ شرکا مختلف کالجن تہٕ یونیورسٹی ین ہٕندۍ طٲلۍ بہِ علم تہٕ رِسٕرچ سُکالر آسان۔یم مختلف زبانہ پسہِ منظرن تہٕ مضموٗنن سٍتۍ وابستٕہ آسان چھِ۔کالیج تہٕ سکول وۅستاد، شوقیہ ترجمہ کار تہٕ مختلف پیشن ہٕندۍ لوٗکھ تہِ چھِ یِمن پروگرامن منز حصہٕ نِوان۔شرکا ہیکن ترجمہ کارن ہٕندِ قومی رجسٹرٕ منزٕ تہِ ژارنہٕ یِتھ۔

یِمن پروگرامن منز یِم رِسورس پرسن مدوع کرنہ یِوان چھِ تِمن ہُندتعلق چھُ ترجمہ مطالیاتس یا اتھ سٍتۍ وابستہ مضموٗنن سٍتۍ۔یا چھِ یِم ہندوستٲنۍ زبانن ہٕندۍ تِم لکھٲرۍ آسان یِم یِمن زبانن منز باقٲیدگی سان علمی کتابہ تحریر کران چھِ۔ تِم مٲہِر یِم علمی کتابن ہٕندۍ ترجمہ کران چھِ یا تِم یِم مختلف زبانن منز تیکنیکی اصطلاح سٲزی سٍتۍ وابستہٕ چھِ،تہِ ہیکن این ٹی ایم باپتھ رِسورس پٔرسن ٲسِتھ۔
 

دوٚیٚمۍ پروگرام

این ٹی ایم چھُ پننہِ سرگرمیہِ منظر عامس پیٹھ اننہٕ خٲطرٕ مُلکہ چن مختلف جاین کتاب مٲلن منز تہِ شرکت کران۔یتھٕے ترجمہ کتاب شایعہ سپدِاین ٹی ایم کرِ یِمن ہٕنز بِکری بڈاونہ باپتھ کینہہ تقریبہٕ یمن تقریبن منزترجمہ کارن تہٕ لکھارن ہُند اکھ سمن بل بیترِ شٲمِل چھُ۔