لۅغات

تھدِ میعارٕکۍ ترجمہ ؤسیلہ مثلا لۅغات تہٕ تلفظی قٲیدٕ تیار کرٕنۍ چھُ این ٹی ایمُک اکھ اہم مقصد۔ دُلِسٲنی تہٕ ای ۔ڈکشنری یہِ چھےٚ22 ہن زبانن منز تیار کرنہٕ یِوان۔یِم چھےٚ ییٚمہِ لحاظٕ مُنفرِد زِ یِمن منزدرٕج لفظُت چھُ بولچٲلی،فطری گرتیُک،عملی ورتاوٕکۍ تہٕ بار بار ورتاونہ یِنہٕ وٲلۍ۔

این ٹی ایم چھُ مختلف ہندوٗستٲنۍ زبانن منز لۅغات سٲزی منز لٔگِتھ۔ وُنۍ کین چھےٚ دۅن قٕسمن ہٕنز لۅغات بناونٕچ کٲم درِدس نِنہٕ آمٕژ۔
   ا۔    دُلِسٲنی بُنیٲدی لۅغات
   ب۔    دُلسٲنی ای۔لۅغات

 

دُلِسٲنی بُنیٲدی لۅغات

مٔیی ۔جوٗن 2006 ہس منز کوٚر سی آے آے ایل میسوٗرن یوٗ کے کِس لانگ مین پیرسن گرُپ کہِ اتھٕ واسہٕ دُلسٲنی لۅغات سٲزی شروٗع۔تمہ وقتہٕ آو یہِ ماننہٕ زِ ییٚلہِ این ٹی ایم قٲیِم سپدِ یِم لۅغاتہٕ یِن ترجمہ ؤسیلورٔنگۍ ورتاونہٕ۔یہِ پروجیکٹ آو 2008 ہس منز این ٹی ایمس سٍتۍ شٲمِل کرنہٕ۔ یِم دُلِسٲنی لۅغات یِن برٹش نیشنل کارپس ماڈلس پیٹھ بناونہٕ یِمن منز موٗلہ انگریزۍ ۔انگریزۍ ڈکشنری ہٕندۍ عام ورتاوٕکۍ 14000 لفظ تہٕ محاورٕ آسن۔

ٖلانگ مین۔این ٹی ایم۔سی آے آے ایل لۅغات یِن شیٚن مرحلن منز شایعہ کرنہٕ۔ شےٚ لۅغات یِمن منز بنگٲلۍ، ہیندی،کنڈ،،لیالم،اُڑیا تہٕ تامِل شٲمِل چھےٚ ،یِمہ چھےٚ برۅنٕہے شایعہ کرنہٕ آمژٕ۔فہرست چھُ بۅنہ کنہِ دِتھ۔ پنجٲبۍ،گُجرٲتۍ،مرٲٹھۍ،تیلگو تہٕ اردوٗ لۅغات تہِ یِن عنقریبٕے برۅنہہ کُن اننہٕ۔
 
  :۔2012-2011 ہس منز پیرسن ایجوکیشن انڈیا دٔسۍ شایعہ کرنہٕ آمتین لۅغاتن ہُںد فہرست

لانگ مین۔سی آے آے ایل انگلِش انگلِش ہیندی لۅغات   .1
لانگ مین۔سی آے آے ایل انگلِش انگلِش بنگٲلۍ لۅغات   .2
لانگ مین۔سی آے آے ایل انگلِش انگلِش کنڈ لۅغات   .3
لانگ مین۔سی آے آے ایل انگلِش انگلِش اُڑیا لۅغات   .4
لانگ مین۔سی آے آے ایل انگلِش انگلِش ملیالم لۅغات   .5
لانگ مین۔سی آے آے ایل انگلِش انگلِش تامِل لۅغات   .6

این ٹی ایم چھُ لۅغات سٲزی ہٕنزن سرگرمِین وُسعت دِنہ کِس سِمتس منز کٲم کران تہٕ یہِ کرِ ٲیینہٕ ہِند کِس ٲٹھمِس شیڈوٗلس منز درٕج سارِنٕے 22ہن زبانن ہٕنز لۅغاتہٕ تیار۔

ڈُلِسٲنی ای۔ڈکشنری یہِ:

این ٹی ایم ۔سی آے آے ایلن چھُ ڈار لِنگ کِنڈرس لے انڈیا پرایویٹ لیمِٹڈس سٍتۍ مشاورتی خٔدمتن باپتھ اکھ مہادٕ کوٚرمُت ۔اتھ تحت ییہِ لانگ مین باے لِنگول فریم ؤرک یعنی ایل اے بی ایفُک پیرسن ایجوکیشنُ ایکس ایم ایل ڈاٹا سیٹ تہِ استعمال کرنہٕ ییہِ۔ اے تا زڑ اچھرن ہٕندِ خٲطرٕچھُ ایل اے بی ایف ڈاٹا سیٹ این ٹی ایم باپتھ لانگ مین یوٗ کے ہن آے ڈی ایم سرورس پیٹھ اپ لوڑ کوٚرمُت۔ایل اے بی ایف ڈاٹا سیٹ ییہِ ڈکشنری پروڈکشن سِسٹم ذریعہ ورتاونہٕ یُس موٗلہ تلہ لانگ مین طرفہٕ تیار کرنہ آمُت چھُ تہٕ آے ڈی ایم فرانسہٕ دٔسۍ بازر تراونہٕ إٓمُت چھُ۔ : این ٹی ایم برقی لۅغاتن ہٕنز بُنیاد چھےٚیِمن پیٹھ

لانگ مین ڈکشنری آف کنٹیمپریری ڈکشنری «  
لانگ مین ایڈوانسٕڈ امریکن ڈکشنری «  
لانگ مین ڈکشنری آف انگلش اینڈ کلچر «  
لانگ مین بزِنیس ڈکشنری ،لانگ مین ڈکشنری آف انگلش لنگویج «  
ٰلانگ مین کارپس نیٹ ورک طرفہٕ زانکٲری «  

این ٹی ایم چھُ پیرسن ایجوکیشنس سٍتۍ رٲبطٕ تھٲوِتھ یُتھ زن لۅکٕٹۍ مۅکٕٹۍ مسلہ أنزراونہٕ یِن۔