عٔلمی کتابن ہٕنز نشاندہی

فِلحال یِمن کتابن وُنۍ کین این ٹی ایم دٔسۍ ترجمہ باپتھ نشاندہی کرنہٕ یِوان چھےٚ ۔تِمن ہُند اکھ فہرس چھُ ہندوستٲنۍ یونیورسٹی ڈاٹا بیسس منز۔ امہ فہرتٕچ چھےٚ مٲہِرن ہٕندِ دٔسۍ مۅلٲنکون کرنہٕ آمٕژ۔ہندوستٲنۍ زبانن منز یِمن کتابن ہٕنزِ منگہِ متلق چھُ مختلف زبانن ہٕندین کینژن مٲہِرن،وۅستادن کین طلباعہن سٍتۍ تہِ صلاح مشورٕ کرنہٕ یِوان۔امہ فہرستُک چھُ مزید مطالعہ سپدان تہٕ یِمو کتابو دٔسۍ طٲلبہِ عٔلمن تہٕ تعلیمی مٲہِرن ہٕندس أکِس وسیع حلقس فٲیدٕ واتہِ تِم چھےٚ چھیکرس فہرستس منز تھاونہٕ یِوان۔ ٲخرس چھےٚ علمی کتابن ہٕںز ذیلی کمیٹی تہٕ این ٹی ایم پروجیکٹ مشاورتی کمیٹی یِمن عنوانن منظوٗری دِوان۔

آغازٕ رٔنگۍ چھُ این ٹی ایمن مٲہِرن ہٕندِ دٔسۍ منظوٗر شُدٕ 21 مضموٗنن منز کتابن ہُند فہرست ترجمہ باپتھ تیار کوٚرمُت تہٕ یِموٕے منزٕ چھُ 105 کتابن ہُند ترجمہ برۅنہہ کُن اننس درپے۔