अनुवाद कम्मै दी बंड

राश्ट्री अनुवाद मिशन पूरे देसै दे खेत्तरी भाशी प्रकाशकें दे सैह्‍‍योग कन्नै अनूदित कताबें दा प्रकाशन करदा ऐ। एह् ओह् प्रकाशक न जिं’दे कोल जां ते चोनमियें कताबें दा प्रकाशन अधिकार होऐ जां भारत दे बक्ख-बक्ख हिस्संा दे ओह् खेत्तरी प्रकाशक जेह्‍‍ड़े भारती भाशाएं च प्रकाशन करदे होन। राश्ट्री अनुवाद मिशन इ’नें प्रकाशकें कन्नै मिलियै अनूदित कताबें दी मार्कटिंग ते बंड करदा ऐ।

दो संभावत तरीके जिं’दी बरतून राश्ट्री अनुवाद मिशन अनुवाद कम्मै गी करोआने आस्तै करदा ऐ:

  » मूल प्रकाशक इस अनुवाद कम्मै गी आपूं गै करन। राश्ट्री अनुवाद मिशन इस पूरी अनुवाद प्रक्रिया च किश हद्दै तगर शामल होइयै जां ते खर्चे दा किश हिस्सा चुकदा ऐ जां शैक्षिक म्हारत उपलब्ध करोआंदा ऐ।
  » जेकर मूल प्रकाशक गी अनुवाद कम्मै च दिलचस्पी नेईं होऐ तां राश्ट्री अनुवाद मिशन अनुवाद, प्रकाशन ते बंड गी भारती भाशाएं दे प्रकाशकें गी आउटसोर्स करी दिंदा ऐ ते अनुवाद कम्मै दा कापीराइट अपने कोल सुरक्खत रखदा ऐ। मूल कताबै दे कापीराइट आह्‍‍ले प्रकाशक गी रायल्टी मिलदी ऐ। जेकर भारती भाशाएं दे प्रकाशक कताबै दा अनुवाद नेईं करी पांदे न उस स्थिति च राश्ट्री अनुवाद मिशन अनुवाद आपूं करोआंदा ऐ ते कैमरा रेडी कापी तेआर करदा ऐ। एह् कैमरा रेडी कापी राश्ट्री अनुवाद मिशन भारती भाशाएं दे प्रकाशकें गी भेजदा ऐ जेह्ड़े प्रकाशन ते बंड दा जिम्मा लैंदे न।

इस चाल्लीं दे अनुवाद कम्मै गी टर्नकी तर्ज आखेआ जंदा ऐ।