डेटाबेस

राश्ट्री अनुवाद मिशन ने छे सूचना भंडारें दा निर्माण कीता ऐ। एह्‍ न अनुवादकें दा राश्ट्री रजिस्टर, भारती यूनिवर्सिटियें दा डेटाबेस, प्रकाशकें दा डेटाबेस, बिशे विशेशज्ञें/विशेशज्ञें दी जानकारी दा डेटाबेस, अनूदित ग्रंथ-सूची दा डेटाबेस, शब्दकोशें ते शब्दावलियें दा डेटाबेस जेह्‍‍ड़े नां सिर्फ राश्ट्री अनुवाद मिशन दे कम्मै च मदद करदे न सगुआं विद्वानें, प्रकाशकें, छात्रें ते अनुवादकें आस्तै बी मददगार साबत होंदे न। एह् डेटाबेस भारती भाशाएं च अनुवादकें, मुक्ख यूनिवर्सिटियें ते उं’दे पाठक्रम, बक्ख-बक्ख बिशें दे बिशे विशेशज्ञें, भारती भाशाएं दे नमायां प्रकाशकें, बक्ख-बक्ख भाशाएं च अनूदित कताबें, शब्दकोशें, शब्दावलियें ते विश्वकोशें दी जानकारी दिंदे न। एह् डेटाबेस छात्रें, शोध-छात्रें ते शिक्षकें आस्तै बी बड़े मददगार न।