|
|
शब्दावली
|
तकनीकी ते वैज्ञानिक शब्दावली दा अनुवाद ते एह्दा मानकीकरण ज्ञान अधारत पाठ पुस्तकें
दे अनुवाद आस्तै पैह्ली लोड़ ऐ। हूनै तगर भारती भाशाएं च शब्दावली दी बरतून च कोई इकरूपता
नेईं ऐ। किश भाशाएं च जि’यां के तमिल, बांग्ला बगैरा भाशाएं च तकनीकी शब्दावली दे बड़े
मते साधन उपलब्ध न जद् के दूइयें भाशाएं च इक बी तकनीकी शब्दकोश उपलब्ध नेईं ऐ। राश्ट्री
अनुवाद मिशन ते वैज्ञानिक ते तकनीकी शब्दावली आयोग मिलियै तकनीकी शब्दावली दे मानकीकरण
दी दिशा च कम्म करै करदे न। राश्ट्री अनुवाद मिशन दी इ’नें कोशिशें कन्नै वैज्ञानिक
ते तकनीकी शब्दावली आयोग गी 22एं भारती भाशाएं च वैज्ञानिक ते तकनीकी शब्दें गी विकसत
ते परिभाशित करने च मज़बूती मिलग जेह्दे कन्नै पाठ पुस्तकें दा तौले ते श्रेश्ठ अनुवाद
होई सकग।
|
|
|
|