|
|
ग्रंथसूची दा इतहास
अनूदित ग्रंथसूची दे डेटाबेस दा लोड़ बड़े चिरें थमां मसूस कीती जा करदी ऐ।Anukriti.net
अनुवाद कम्मै ते जानकारी आस्तै 2002 च भारत सरकार दे त्रै प्रमुक्ख संस्थानें-भारती
भाशा संस्थान, साहित्य अकादमी ते नेशनल बुक ट्रस्ट इंडिया आसेआ विकसत कीती गेदी साइट
ऐ। करीब 20,000 शीर्शकें बारै जानकारी कठेरी गेई ते अनुकृति मतैह्त इक तपाश इंजन बनाया
गेआ। पर इस जानकारी दी तसदीक करियै होर छांटने दी लोड़ ऐ।
जून 2008 च एन.टी.एम. दी शुरूआत होई ते अनुकृति गी एन.टी.एम. च शामल करी दित्ता गेआ।
अनूदित ग्रंथसूची दा डेटाबेस बनाने दा कम्म एन.टी.एम.च बी चलदा रेहा। 2011 दे शुरूआत
च नमीं कोशिशें कन्नै इस प्रोजैक्ट गी नमां रूप दित्ता गेआ। इस आस्तै इक कारजदिशा बनाई
गेई ते बक्ख-बक्ख स्रोतें थमां जानकारी कठेरी गेई। जानकारी दी नरंतर रवानगी लेई केईं
भारती यूनिवर्सटियें, लाईब्रेरियें, अनुवाद अजैंसियें, साहित्यक सीमतियें ते संस्थानें
कन्नै राबता कीता गेआ। असें करीब 70,000 शीर्शकें बारै जानकारी कठेरी ऐ जिसी छांटियै
डिजीटल रूप देने दी लोड़ ऐ। इस बेल्लै 2011 दे अद्ध च प्रो. जी. एन. देवी, भाशा संशोधन
केंदर, बडोदरा गुजरात, जेह्ड़े भारती भाशाएं च अनूदित समग्गरी बारै जानकारी कठेरने
आस्तै पिछले केईं ब’रें थमां कम्म करै करदे न, उ’नें अपनी इस 20,000 थमां मते शीर्शकें
बारै बेशकीमती जानकारी एन.टी.एम. गी देने दी पेशकश कीती।
अनूदित ग्रंथसूची दे डेटाबेस आस्तै उपलब्ध शीर्शकें गी डिजीटल रूप देने दे सिलसले च
प्रो.देवी ते एन.टी.एम. टीम ने सितंबर 2011 च एन.टी.एम. आसेआ मसूर च आयोजत इक रोजा
कारजशाला च मलाटी कीती। इस कारजशाला दरान प्रो. देवी ने बचार रक्खेआ जे हर इक अनूदित
शीर्शक आस्तै इक खास पंछान बनाई जा ते इस्सै तकनीक गी बरतने दी सलाह् दिती। इस डेटाबेस
दे तकनीकी पक्ख पर चर्चा करने आस्तै नवंबर 2011 च बडोदरा च इक होर कारजशाला दे आयोजन
कीता गेआ। मूल पाठ दे कन्नै-कन्नै अनुवाद बारै मती शा मता जानकारी उपलब्ध करोआने आस्तै
इक नमूने दा निर्माण कीता गेआ। एन.टी.एम. इ’नें शीर्शकें गी होर बी अग्गैं चंगी चाल्लीं
छांटने दी प्रक्रिया च लग्गे दा ऐ। इस बेल्लै 25 थमां मती भाशाएं दे लगभग 20,000 छांटे
गेदे शीर्शक वेबसाइट पर उपलब्ध न।
|
|
|
|